Poemas De Agustín Lorenzo Fidalgo

O 24 de xaneiro, ás 19:30 horas, volta a Eixo Agustín Lorenzo Fidalgo.

Nesta ocasión falaranos dos poemas contidos nos dous libros que nos achega; trátase de  «OUTONIZOS POEMAS» e «UNHA TERRA INSUBMISA», verbas do autor feitas poesía.

Agustín Lorenzo, nace nas Terras Altas do Arnoia. Despois do seu paso pola Escola Rural, cursa Bacharelato no IES Blanco Amor de Ourense e posteriormente Maxisterio e Filosofía e Ciencias da Educación na Universidade de Santiago de Compostela.

Ten colabordo na revista A Peneira.

En 2014 participa na Antoloxía Sendero de poetas (Ed. Quadrivium), para en 2015 publicar o seu primeiro poemario, Frío, finalista no Certame de poesía D. Ramón Puga – Cadena SER Ourense. Soles y princesas, o seu segundo poemario, publícase en 2016, e 2017 verá nacer o primeiro libro de poemas en galego, Tempos eivados. En 2018 saen do prelo os dous seguintes, Outonizos poemas e Unha terra insubmisa.

O 24 de xaneiro, ás 19:30 horas, volta a Eixo Agustín Lorenzo Fidalgo. Volta a Eixo a poesía.