- Este evento ha pasado.
O LIBRO CERO, de Jorge Emilio Bóveda. Presentación
abr 30 @ 7:30 pm - 8:30 pm
Evento Navegación
Temos de novo o grande pracer de acoller en Eixo a presentación do último libro de Jorge Emilio Bóveda.
Desta vez será o 30 DE ABRIL ÁS ás 19:30 horas, e virá acompañado polo tamén escritor ourensán Xerardo Méndez, para falarnos de O LIBRO CERO, unha historia protagonizada por Pastor Páez, antigo policía nacional, introvertido e cataléptico, decidido a atopar o punto cero da sua vida e mesmo do mundo.
Agardámosvos na presentación dunha novela da que se resalta a orixinalidade da sua estructura e, coma sempre, o seu aire galego e mesmo ourensán. Con Bóveda temos xa experiencia bastante para asegurarvos unha horiña ben interesante. Animádevos.
Sinopse:
«Pastor Páez, antigo policía nacional, introvertido e cataléptico,sente a necesidade de comezar todo novamente; de topar o punto cero do mundo e da súa vida. Para iso embárcase nunha viaxe por varios países semellándolle pouco a pouco que a súa vida anterior tece un mecanismo invisible que marca os seus pasos, teimando en levalo de cabeza a un fin insospeitado de consecuencias estarrecedoras.
Unha novela metaliteraria de grande orixinalidade que se move entre varios xéneros recoñecibles e cuxa estrutura supón un cadro; unha litografía de escaleiras que se soben a si mesmas que ben podería ser da autoría de Escher.»