ALÉN DO LAGO, de Carlos Folgoso Sueiro, gañador da XII edición do PREMIO GALICIA DE FOTOGRAFÍA CONTEMPORÁNEA

O libro, deseñado por Xosé Lois Vázquez para Difusora de Letras, Artes e Ideas, foi recentemente destacado en Babelia – El País, suplemento cultural do xornal El País como un dos mellores libros de fotografia do ano 2025:

«Materiais coidados, como xa é habitual nesta editorial: tapa dura, unha imaxe de portada tan intrigante como contida e unha información que se estende mesmo ás gardas, co selo inconfundible do seu deseñador, Xosé Lois Vázquez. O proxecto aborda unha Galicia mirada desde dentro, desde as vivencias máis íntimas, familiares e biográficas do autor. A obra artéllase como unha travesía metafórica polas idiosincrasias do país, construída cunha atmosfera de resonancias cinematográficas que sitúa o lector nun tempo indeterminado. Nela conviven realidades sociais e políticas, mitoloxías e crenzas sincréticas, a tristeza, o traballo e a soidade como sinais de identidade, unha emigración profundamente enraizada, aquilo que se protexe e aquilo que se despreza, así como unha tensión persistente entre forza e opresión que marcou historicamente o territorio.»

(El País. 25-12-2025)

**************

No acto, intervirán:

– Carlos Folgoso Sueiro, autor de «Alén do lago», traballo premiado na XII edición do Premio Galicia de Fotografía Contemporánea.

– Xosé Lois Vázquez, deseñador do libro e editor de Difusora de Letras, Artes e Ideas.

– Vítor Nieves, organizador do Premio Galicia de Fotografía Contemporánea.

-Anxo Lorenzo, Director Xeral de Cultura, Xunta de Galicia.

– Iria Castro, deputada de Cultura da Deputación de Lugo.

– Francisco Javier Rodríguez, Vicerreitor do Campus de Ourense.

*************

O Premio Galicia de Fotografía Contemporánea conta co apoio da Xunta de Galicia Dirección Xeral de Cultura, Vicepresidencia. Deputación de Lugo e Universidade de Vigo Campus de Ourense